პაატა ბურჭულაძის სტუმრობა ს.ს ,,ქართული ლუდის კომპანიაში''

25 მარტს ს.ს ,,ქართული ლუდის კომპანიას“ - ფონდ ,,იავნანა''-ს დამფუძნებელი ბატონი პაატა ბურჭულაძე ესტუმრა. შეგახსენებთ, რომ პაატა ბურჭულაძის საქველმოქმედო ფონდ “იავნანას” თაოსნობით თბილისში მახათას მთაზე დაიწყო ივერიის ღვთისმშობლის ხატის სახელობის ტაძრის აგება. მშენებლობისათვის დაფუძნდა სპეციალური ფონდი – “ივერიისა”. ეს მშენებლობა გამოირჩევა იმით, რომ ტაძარი შენდება არა რომელიმე ბიზნესმენის, ან კერძო პირის დაფინანსებით, არამედ სრულიად საქართველოს ერთიანობითა და თანასწორობით. სწორედ ეს გახდა პაატა ბურჭულაძის ლუდსახარშ „ზედაზენში“ სტუმრობის მიზეზი. ფონდის ხელმძღვანელმა დეტალურად ისაუბრა მშენებლობის ისტორიულ და სულიერ მნიშვნელობაზე და ს.ს ,,ქართული ლუდის კომპანიის“ თანამშრომლებს მოუწოდა მონაწილეობაა მიიღონ ამ, ესოდენ დიდ მამულიშვილურ საქმეში. კომპანიის თანამშრომლებმა მზადყოფნა გამოთქვენს ქვეყნისთვის და ერისთვის მნიშვნელოვან საქმეში შეიტანონ აღმშენებლობის თავიანთი წვლილი.